Waqt ki raftar ke saath

Waqt ki raftar ke saath tu chalna seekh le,

Dard seh kar iss jahan mein muskurana seekh le,



Doosro se shikwa karna,aur shikayat chhod de,

Har kisi se pyaar karna,dil lagana seekh le,



Kaanch ke tukde pade hai,zindagi ki raah pe,

Kaanch ke tukdo pe chal ke,tu bhi jeena seekh le,



Gam utha ke muskurana,kaam yeh waliyo ka hai,

Auoliya ke nashq-e-pa par,tu bhi chalna seekh le,



Kis kadar insaan aaziz hai zamane mein,

Doosro se pyaar kar aur,khud se ladna seekh le..!!!


******